Wakazi wa Vijiji vya Odioi na Osuret watatizwa na mmomonyoko wa udongo

Wakazi wa vijiji vya Odioi na Osuret, wadi ya Amukura Magharibi katika eneo bunge la Teso kusini kaunti ya Busia, wanaishi kwa hofu ya nyumba zao kuporomoka kutokana na mmomonyoko wa udongo katika eneo hilo nyakati za mvua. Tayari mashamba mengi yamesombwa, maafa kutokea kutokana na maporomoko ya udongo na hata barabara iliyounganisha vijiji hivi kukatika kutokana na mmomonyoko huo.