Raila aonya viongozi waliochaguliwa kupitia chama hicho dhidi ya kuendesha kampeni za mapema

Kinara wa chama cha ODM Raila Odinga ameonya viongozi waliochaguliwa kupitia chama hicho dhidi ya kuendesha kampeni za mapema akiwataka wawahudumie wakenya kwanza. Wakati huo huo, Odinga amewataka wabunge wake kusimama imara bungeni dhidi ya miswada ya sheria za kiimla zinazowagandamiza wananchi kutoka kwa serikali. Akizungumza katika kikao cha kuangazia mikakati chamani, Odinga pia alitumia fursa hiyo kumjibu kiongozi wa wengi bungeni Kimani Ichungwa kuhusiana na mpango wa ununuzi wa mafuta kati ya serikali ya kenya na mataifa ya uarabuni ambao Raila alisema ni utapeli mkubwa.