Waathirika waeleza kiwewe cha tetemeko la ardhi na mateso yake

Wakazi waliopewa hifadhi katika kituo cha uokoaji walisema Jumanne (Januari 2) walikuwa wamepata mshtuko kutokana na tetemeko la ardhi lililopiga mji wao siku moja iliyopita, liliua watu wasiopungua 48 katika mkoa wa Ishikawa. Mitsuru Kida, msimamizi wa kituo cha kijamii mjini Wajima ambacho kimegeuzwa kuwa kituo cha uokoaji, alisema watu wanaoishi hapo walikuwa hawawezi kulala kwa sababu ya kiwewe walichokipata kutokana na matetemeko madogo. Tetemeko lililotokea Januari 1 siku ya Mwaka Mpya lilikuwa baya sana kuwahi kutokea tangu angalau mwaka 2016 wakati tetemeko la kiwango cha 7.3 kwa kipimo cha rikta kilipopiga Kumamoto katika kisiwa cha kusini mwa Japan, na kuua zaidi ya watu 220. - Reuters #wakazi #mkoa #Ishikawa #Japan #tetemeko #mshtuko #kiwewe #voa #voaswahili #vifo #kituo #uokoaji