Manuari ya Uingereza yatungua Droni iliyorushwa kutoka Yemen

Wizara ya Ulinzi ya Uingereza Jumapili ilithibitisha kuwa moja ya manuari zake ilitungua droni iliyorushwa na waasi wa Kihouthi kutoka Yemen. Meli hiyo HMS Diamond ilitungua droni hiyo kwa kutumia mfumo wake wa kombora aina ya Sea Viper katika Bahari ya Sham, bila ya kusababisha uharibifu wala kujeruhi yeyote, ilisema. Wahouthi hawakukiri kufanya shambulizi hilo. Waasi hao walisema malengo yao katika kampeni yao ya kivita ni kushambulia meli za Marekani na Uingereza. Wanasema kusudio lao ni kuishinikiza Israel kusitisha vita dhidi ya Hamas huko Ukanda wa Gaza. Marekani imekiorodhesha Kikundi cha waasi hao kuwa ni jumuiya ya kigaidi. - AP #Israel #Hamas #Houthis #US #UK #VOA