Licha ya Kuwepo Mivutano Wakristo Waadhimisha Ijumaa Kuu

Licha ya kuwepo na mvutano Mashariki ya Kati, Wakristo wanaadhimisha ijumaa kuu katika mjiwa Jerusalem. Maadhimisho haya yanaangukia ijumaa ya tatu katika mwezi mtukufu wa Ramadhani. Waumini waliandamana kwa taratibu katika njia ya Via Dolorosa ambayo inapita kwenye mji wa kale wenye kuta za chokaa ambapo mapokeo yanasema Yesu alibeba msalaba hadi kusulubiwa kwake. Kanisa la eneo takatifu la Sepulcher pamoja na maeneo mengine ya kidini yalikuwa wazi kwa waumini. Waumini walibeba misalaba ya mbao juu mabegani mwao na kuimba nyimbo za kuashiria moja ya siku kuu na takatifu za Ukristo. Maandamanano hayo yanafikia kilele katikakanisa takatifu la Sepulcher ambapo Wakristo Wakatoliki na Waorthodoksi wanaamini kuwa Yesu alizikwa kabla ya kufufuka kwake siku inayoadhimishwa kama Jumapili ya Pasaka. - VOA, Vyanzo mbalimbali #ijumaakuu #sikukuu #yesu #kristo #msalabani #voa #voaswahili #jerusalem #Israel #vita #masharikiyakati