Ukingo wa Magharibi

Jeshi la Israel limesambaza kanda ya video Alhamisi ikionyesha majeshi yakifanya mashambulizi huko Ukingo wa Magharibi. Katika taarifa yake jeshi lilisema vikosi vyake “vimefanikiwa kutegua vilipuzi kadhaa ambavyo vilikuwa vimechimbiwa barabarani lengo likiwa vitumike kushambulia majeshi yake. Majeshi ya Israeli yamefanya mashambulizi makali na ya kiwango kikubwa Ukingo wa Magharibu.⁣usiku kucha siku ya Jumanne. Israel inasema mashambulizi hayo yaliyofanyika wakati mmoja kote eneo la kaskazini mwa Ukingo wa Magharibi – ambayo yamewauwa jumla ya watu 16, karibuni wote wanamgambo, tangu jioni Jumanne – yamelenga kuzuia mashambulizi dhidi ya jeshi hilo. Israel imekuwa ikitekeleza kile imekitaja kama operesheni ya kijeshi karibu kila siku katika Ukingo wa Magharibi, tangu Oktoba 7, wanamgambo wa Hamas walipofanya shambulizi kutokea Gaza na kusababisha vita vikali vinavyoendelea.⁣ Israel imesema kwamba operesheni yake ya kijeshi ina lengo la kuwamaliza nguvu wanamgambo wa Hamas na kuzuia mashambulizi dhidi ya raia wake.⁣ -AP na Reuters #gaza #ukandawagaza #mateka #israeli #jeshi #voa #voaswahili #qaidfarhanalkadi #hamas #palestina #wapalestina ⁣