Jaji mkuu Martha Koome aitikia wito wa kuteua jopa la majaji 3 watakaosikiza kesi ya naibu rais

Jaji mkuu Martha Koome ameitikia wito wa kuteua jopa la majaji 3 watakaosikiza na kuamua kuhusu kesi sita zilizowasilishwa mahakamani zikipinga kubanduliwa afisini kwa naibu rais Rigathi Gachagua. Majaji walioteuliwa ni pamoja na jaji Erick Ogolla, Anthony Mrima na Frida Mugambi. Wakati wa kusikizwa kwa kesi hizo jaji Erick Ogolla ndiye atakayeongoza jopo hilo.hata hivyo tarehe ya kuanza rasmi kusikizwa kwa kesi hizo bado haijatolea. haya yanajiri huku vikao vya kusikizwa kwa kesi zinazomuandama naibu rais vikitarajiwa kuanza rasmi siku ya Jumatano na alhamisi seneti. Wakati huohuo, naibu rais Rigathi Gachagua ameitaka mahakama kusimamisha vikao vya seneti vya kusikiza kesi inayomuandama ya kubanduliwa kwake afisini. Gachagua anadai kuwa mahakama inauwezo wa kusimamisha vikao hivyo na bunge lilikosea kuelekeza kesi yake katika bunge la seneti.