Wanafunzi wa mwaka wa kwanza wanalalamikia kukwama kwa masomo yao

Wanafunzi wa mwaka wa kwanza wanalalamikia kukwama kwa masomo yao, wakisema karo zao hazitatumika ipasavyo. Kulingana nao, wamesoma kwa muda wa wiki mbili tu tangu kuanza kwa muhula wao tarehe 26 mwezi jana. Hayo yakijiri muungano wa wahadhiri wa vyuo vikuu (UASU) umesema kuwa mgomo bado unaendelea baada ya mazungumzo na wizara ya leba kushindikana jana. Licha ya amri za mahakama zinazozuia wahadhiri kugoma, wafanyakazi hao wanashikilia msimamo wao hadi matakwa yao yote yatimizwe.