Jeshi la Israeli lamuokoa mateka Qaid Farhan Alkadi aliyeshikiliwa Gaza

Vikosi maalum vya Israeli vimemuokoa mateka wa Israeli kutoka katika mahandaki katika eneo la kusini la Ukanda wa Gaza katika “operesheni nzito ya uokoaji”, jeshi limesema Jumanne (August 27), baada ya mtu huyo kutekwa na watu wenye silaha wa kikundi cha Hamas zaidi ya miezi 10 iliyopita mnamo Oktoba 7, 2023. Jeshi lilisema Qaid Farhan Alkadi mwenye umri wa miaka 52, ni wa jamii ya Mabedui huko kusini mwa Israel, na alipelekwa hosptali na hali yake inaendelea kuimarika. Reuters haikuweza kuthibitisha yenyewe sehemu ambapo video hiyo ya majeshi ya Israeli ilichukuliwa lakini Reuters waliweza kuthibitisha wenye kwa kujitegemea kuwa eneo hilo ni Hospitali ya Soroka, kutokana na majengo yalivyo na alama ambazo zinalingana na picha za majengo ya eneo hilo. Wakati operesheni hiyo ilipothibitishwa, vituo vya televisheni vya Israeli vilionyesha helikopta ya jeshi ikitua katika hospitali wakati wahudumu wa afya na gari la wagonjwa lilikuwa likisubiri kumpokea Alkadi. - Reuters #gaza #ukandawagaza #mateka #israeli #jeshi #voa #voaswahili #qaidfarhanalkadi #hamas #palestina #wapalestina