Junet Mohammed sasa ndie kiongozi wa wachache Mbungeni

Mbunge wa Suna West Junet Mohamed sasa ndiye kiongozi wa wachache katika bunge la kitaifa akichukua nafasi ya Opiyo Wandayi aliyeteuliwa kuwa Waziri. Mbunge wa Suba West Millie Odhiambo naye akiteuliwa kiranja wa wachache huku mbunge wa Saboti Caleb Amisi sasa akichukua nafasi ya mwenyekiti wa kamati ya bunge ya uhasibu. Mabadiliko hayo yalitangazwa na katibu mkuu wa ODM Edwin Sifuna ambaye alisema amepokea barua za kujiuzulu kutoka kwa wanachama wake wanne ambao wameteuliwa katika baraza la mawaziri.