Maelfu ya Waisraeli waandamana kushinikiza mateka waachiliwe

Maelfu ya Waisraeli waliandamana kuzunguka viwanja vya wizara ya ulinzi huko Tel Aviv Jumatano (Januari 24) wakitaka mateka waachiliwe mara moja. Waandamanaji walikuwa wamebaba mabango yaliyokuwa na picha za baadhi ya mateka 136 ambao bado wanashikiliwa huko Gaza tangu Oktoba 7, wakipaza sauti “makubaliano sasa!” na “Tunataka warejeshwe wakiwa hai!” Muda fulani kundi moja la waandamanaji walifunga barabara kuu iliyokuwa karibu kwa dakika kadhaa, na kusababisha magari yote kusimama. Baadhi ya magari yalipiga honi yakiwaunga mkono. Maandamano mengine yalifanyika karibu na makazi ya Waziri Mkuu wa Israel, Benjamin Netanyahu, huko Jerusalem. Israel ilianzisha mashambulizi kuwatokomeza Hamas baada ya kushambulia miji ya Israeli Oktoba 7 wakiuwa kiasi cha watu 1,200 na kuwateka watu 240. Maafisa wa afya wa Palestina walisema watu wasiopungua 25,700 wakazi wa Gaza wameuawa katika vita hivyo, ikiwemo 210 waliofariki katika saa 24 zilizopita. - Reuters⁣ ⁣⁣ #Haifa ⁣⁣⁣⁣⁣#waelaldahdouh #hamzaaldahdouh #shirikalamwezimwekundu⁣⁣⁣ ⁣⁣ #Rafah #Netanyahu #Misri #Hamas #Gaza #Palestina #IDF #GalMeirEizenkot #mauaji #jeshi #israel #voa #voaswahili #mwandishi #aljazeera #maghazi #khanyounis