Manuari ya Uingereza yatungua Droni iliyorushwa kutoka Yemen

Wizara ya Ulinzi ya Uingereza Jumapili ilithibitisha kuwa moja ya manuari zake ilitungua droni iliyorushwa na waasi wa Kihouthi kutoka Yemen. Meli hiyo HMS Diamond ilitungua kwa kutumia mfumo wake wa makombora aina ya Sea Viper katika Bahari ya Sham, bila ya kusababisha uharibifu wala kujeruhi yeyote, ilisema. Wahouthi hawakukiri kufanya shambulizi hilo. Waasi hao wamekuwa wakisema hivi sasa meli za Marekani na Uingereza ziko katika malengo ya kampeni ya mashambulizi yao. Wanasema kampeni hiyo inakusudia kuishinikiza Israel kusitisha vita dhidi ya Hamas huko Ukanda wa Gaza. -AP Marekani imekiorodhesha Kikundi cha waasi hao kuwa ni jumuiya ya kigaidi. #Israel #Hamas #Houthis #US #UK #VOA