Nairobi City Thunder kufanya mazoezi ya mwisho kabla mchuano wa klabu bingwa ya Vikapu Afrika

Timu ya Nairobi City Thunder itafanya mazoezi yake ya mwisho hii leo uwanjani Nyayo kabla ya kuanza rasmi kwa mchuano wa mpira wa kikapu wa klabu bingwa Afrika maarufu kama BAL. Thunder ambao watategemea ufuasi wa mashabiki wa nyumbani kwenye kipute hicho, watafungua pazia kesho saa mbili usiku dhidi ya timu ya mbb kutoka afrika kusini. Mechi ya kwanza ya mchuano huo itahusisha kriol stars ya cape verde na brave hearts ya malawi kuanzia saa sita na nusu mchana, ikifuatwa na city oilers ya uganda dhidi ya fox ya Sudan kusini saa tisa, kabla ya urunani ya burundi kuivaa matero ya zambia saa kumi na moja unusu. Timu mbili zitakazotinga fainali zitafuzu mchuano wa bal mwaka 2025.