SADC: Hadi Sasa, Mambo Mazuri' Uchaguzi wa DRC

Mjini Kinshasa, Jamhuri ya Kidemokrasia ya Congo, Makamu Rais wa zamani wa Zambia Enoch Kavindele, ambaye anaongoza timu ya Waangalizi wa Uchaguzi, ya Jumuiya ya Maendeleo ya Mataifa ya Kusini mwa Afrika SADC, amezungumza na VOA kuhusu teknolojia ya kupiga kura na hali ya upigaji kura kote nchini. Raia wanapiga kura zao Jumatano huku Wakongo takriban milioni 44 – katika taifa lenye kiasi cha watu milioni 100 – wamejiandikisha kutekeleza haki yao ya kikatiba ya kumchagua rais, wabunge, wa bunge la taifa na majimbo na madiwani. Kavindele ameeleza mapema Jumatano kuwa ujumbe wa SADC umeridhishwa kwa kile walichokiona hadi sasa. Lakini ripoti za kuchelewa kupiga kura, masuala ya vifaa vya uchaguzi na hali ya mvutano katika vituo vya kupiga kura katika mji mkuu na kwingineko nchini kumesababisha wasiwasi wakati zoezi likiendelea. #sadc #drc #rwanda #congo #felixtshisekedi #tshisekedi #drcelection #drcelection2023 #kinshasa #voa