Wanajeshi wa Israel wafariki Ukanda wa Gaza

Israel Jumanne imeripoti vifo vya wanajeshi wake 24 huko Ukanda wa Gaza, moja kati ya siku mbaya sana kwa jeshi la Israeli tangu kuanza kwa kampeni ya kuwatokomeza wanamgambo wa kikundi cha Hamas. Msemaji wa jeshi la Israeli Rear Admiral Daniel Hagari amewaambia waandishi wanajeshi 21 walikuwa wanajiandaa kubomoa majengo mawili kwa kutumia vilipuzi Jumatatu wakati mwanamgambo mmoja alifyatua roketi kuelekea katika kifaru kilicho kuwa karibu na vilipuzi vilivyokuwa katika majengo vililipuka, na majengo yakawaangukia wanajeshi wa Israeli. Wanajeshi watatu wengine walifariki katika shambulizi jingine. Waziri Mkuu wa Israeli Benjamin Netanyahu alisema jeshi limeanzisha uchunguzi kufuatia janga hilo. “Jana tulipitia moja kati ya siku zetu ngumu tangu kuanza kwa vita hivyo,” Netanyahu alisema. “Kwa majina ya mashujaa wetu, kwa sababu ya maisha yetu, hatutaacha kupigana mpaka ushindi kamili upatikane.” Baadhi ya taarifa hizi zinatokana na mashirika ya habari ya AP, AFP na Reuters   #Haifa ⁣⁣⁣⁣⁣#waelaldahdouh #hamzaaldahdouh #shirikalamwezimwekundu⁣ #Rafah #Netanyahu #Misri #Hamas #Gaza #Palestina #IDF #GalMeirEizenkot #mauaji #jeshi #israel #voa #voaswahili #mwandishi #aljazeera #maghazi #khanyounis