Wapalestina kati yao watoto wakishiriki maziko ya waliofariki Israel iliposhambulia

Waombolezaji walisindikiza jeneza la mtu mmoja mwenye umri wa miaka 62 ambaye aliuwawa na majeshi ya Israeli nyumbani kwake wakati mashambulizi yalipofanyika huko katika mji wa Tulkarm eneo linalokaliwa kwa mabavu huko Ukingo wa Magharibi. Kulingana na walioshuhudia mauaji hayo, Ayed abu Hija aliuwawa na mwanajeshi wa Israeli aliyemvizia na kumpiga risasi akiwa nyumbani kwake wakati mashambulizi yakiendelea. Waombolezaji Wakipalestina pia walibeba mfano wa jeneza kwa kumuenzi Muhhamad Jabber, aliyekuwa maarufu kwa jina la Abu Shujaa, mkuu wa mitandao ya wapiganaji katika kambi jirani ya wakimbizi ya Nur Shams, ambaye aliuwawa na jeshi la Israeli Alhamisi (August 29) huko Tulkarm. Jeshi la Israeli lilianzisha moja ya mashambulizi makubwa katika eneo linalokaliwa kwa mabavu na Israeli kwa miezi kadhaa sasa Jumatano (August 28), na kuuwa watu 19, wakiwemo makamanda wa Hamas na Islamic Jihad. Israel imekuwa ikitekeleza kile imekitaja kama operesheni ya kijeshi karibu kila siku katika Ukingo wa Magharibi, tangu Oktoba 7, wanamgambo wa Hamas walipofanya shambulizi kutokea Gaza na kusababisha vita vikali vinavyoendelea.⁣⁣ Israel imesema kwamba operesheni yake ya kijeshi ina lengo la kuwamaliza nguvu wanamgambo wa Hamas na kuzuia mashambulizi dhidi ya raia wake - Reuters ⁣ #gaza #ukandawagaza #mateka #israeli #jeshi #voa #voaswahili #qaidfarhanalkadi #hamas #palestina #wapalestina ⁣#makanda #Islamicjihad