WAPALESTINA WALIOUWAWA KATIKA SHAMBULIZI LA ISRAEL WAZIKWA

Watu kumi, wakiwemo wanawake watatu na watoto watatu, wamezikwa leo Alhamisi baada ya kuuwawa katika mashambulizi ya Israel katika miji ya kusini ya Khan Younis and Rafah. Mohammad Abu Huweij amesema mke wake na watoto watatu walikuwa miongoni mwa watu saba waliouawa huko Khan Younis jana jioni. Sheikh wa Kiislamu aliongoza sala ya mazishi pamoja na kundi la wanaume waliokuwa nje ya Hospitali ya Nasser huko Khan Younis, wakati wanawake na wasichana walikuwa wakilia kabla ya miili hiyo kuchukuliwa kwenda kuzikwa. Wizara ya Afya ya Gaza inasema zaidi ya Wapalestina 41,000 wamaeuawa katika eneo hilo Tangu shambulizi la Hamas la Oktoba 7. Wizara hiyo haikutenganisha ni wapiganaji wangapi na raia wangapi katika hesabu waliyotoa. Israel inasema imewaua wanamgambo 17,000 bila ya kutoa ushahidi. Balozi wa Marekani katika Umoja wa Mataifa siku ya Jumatatu amelishutumu jeshi la Israel kwa kupiga shule, wafanyakazi wa kibinadamu na raia huko Gaza ikiwa ni dalili ya kuongezeka kwa wasi wasi wa Marekani kwa mashirika wake wa karibu wakati vita vinaelekea mwaka mmoja. Jeshi la Israeli lilianzisha moja ya mashambulizi makubwa katika eneo linalokaliwa kwa mabavu na Israeli kwa miezi kadhaa sasa Jumatano (August 28), na kuuwa watu 19, wakiwemo makamanda wa Hamas na Islamic Jihad. ⁣ Israel imekuwa ikitekeleza kile imekitaja kama operesheni ya kijeshi karibu kila siku katika Ukingo wa Magharibi, tangu Oktoba 7, wanamgambo wa Hamas walipofanya shambulizi kutokea Gaza na kusababisha vita vikali vinavyoendelea.⁣⁣⁣ Israel imesema kwamba operesheni yake ya kijeshi ina lengo la kuwamaliza nguvu wanamgambo wa Hamas na kuzuia mashambulizi dhidi ya raia wake⁣ - Vyanzo mbalimbali #wapalestina #jeshi #israel #hamas #shambulizi #maziko #rafah #khanyounis #palestina #voa #voaswahili