Masaibu yanayowakumba wafanyibiashara na wakazi wa Kituo cha Suam Kenya

Ni safari ya takriban kilomita 45 kutoka mjini Kitale hadi kwenye kituo cha mpakani cha Suam ambapo serikali za Kenya na Uganda zinajenga vituo vikuu vya forodha na uhamiaji almaarufu one stop border points kwa wakati mmoja sambamba. Lakini licha ya ujenzi wa vituo hivyo kuendelea kujengwa pande zote za mpaka, wakaazi wa upande wa Kenya wanalalama jinsi pesa zao zote na mapato yanaishia upande wa Uganda kutokana na ukosefu wa soko na miundo msingi ya kuwapa huduma za kila siku.