Mfanyakazi afikishwa kortini kwa kuiba pete ya Ksh 683,700 na kuiuza Ksh 4,000

Mfanyakazi mmoja wa nyumbani amefikishwa mahakamani kushtakiwa kwa wizi wa pete ya tajiri wake katika mtaa wa Runda hapa Nairobi. Violet Ndukwe Lijodi ameshtakiwa pamoja na Francis Mwima kwa wizi wa peke hiyo ya zaidi ya shilingi laki sita. Inaarifiwa kuwa Violet alipokuwa akifanya kazi katika mtaa wa Runda Acacia Grove aliiba na kumuuzia Francis pete hiyo kwa shilingi elfu nne pekee. Wameshtakiwa katika mahakama ya Milimani na wote wawili wakakana mashtaka.