Tuzo za Grammys: Wasanii wa Afrika walalamika

Onyesho kubwa zaidi duniani la tuzo za muziki linafanyika Jumapili hii huko Los Angeles, Marekani. Na kwa mara ya pili, tuzo za Grammys zitakuwa na kitengo cha muziki bora wa kiAfrika. Hata hivyo, mwaka huu, orodha ya walioteuliwa imezua mjadala kuhusu ushirikishwaji wa aina tofauti za muziki kutoka barani Afrika. Mkurugenzi mkuu wa Grammys, Harvey Mason Jnr. anakiri kuwa taasisi hiyo haina waamuzi wenye ujuzi wa kutosha wa aina nyingine za muziki wa Afrika.